320                                              REGISTRES DU BUREAU                                          [i57i]
CCCCXII [XCIX]. — Arrest du Conseil privé touchant les boucheries
du Cimetiere Sainct Jehan.
20 avril 1571. (B, fol. 76 v°.)
Extraict des Registres du Conseil privé du Roi.
"Sur la requeste des Prevost des Marchans et Eschevins de la Ville de Paris, affin que les lettres cy devant obtenues par Pierre Geoffroy, maistre boucher à Paris, et autres, pour faire dresser des estaulx et boucheries à la place du Cymetiere Sainct Jehan soient revocquées, et que deffences soient faictes audict Geoffroy et autres de ne dresser lesd, estaulx et boucheries en ladicte place, en vertu
de quelques lettres de permissions que ce soit;
Le Roy en son Conseil, ayant esgard à lad. requeste, a faict et faict inhibitions et deffences audict Geoffroy et tous autres de faire dresser aucuns estaux ou bou­cheries en lad. place Sainct Jehan, jusques ad ce que autrement, partyes oyes, en soit ordonné.
"Faict au Conseil privé du Roy, tenu à Paris le vingtiesme jour d'Apvril mil cinq cens soixante unze M. »
Signé : "Dourn.
CCCCX1II [C]. — Bois de Chauffage.
5 mai 1571. (A, fol. 69 r°; B, fol. 76 v°.)
Du sabmedy, cinquiesme jour de May mil vc soixante et unze.
En assemble'e faicte en l'Hostel de la Ville de Paris, de messieurs les Prevost des Marchans, Esche­vins et aulcuns Conseillers de ladicte Ville, des courtz de Parlement, Chambre des Comptes, des Aydes, Chappitre de Paris, et aultres notables bourgeois et marchans de ladicte Ville, cy après nommez, pour adviser sur le faict, reiglement, taxe et distribution du boys de chauffaige qui est admené ordinaire­ment et destiné pour admener en cested. Ville, pour la provision et fourniture d'icelle; sont comparuz:
Messieurs Marcel, Prevost des Marchans;
Poulin, Dauvergne, Bouquet, de Cressé, Esche­vins ;
De Charmeau, Poille, de Maulvault, Apvrillot, Luillier, Hesselin, de Baugis, de Plancy, de Ver­delay, Thiersault, Sanguyn, srde Bourcy'2', de Ville­montée, Aubery, Ladvocat, Le Conte, Canaye, De­lacourt, Merault, Desprez, Guignaut, Legoix'3'.
Aussy sont comparuz, suyvant le commandement à eulx faict à ceste fin :
Anthoine Bertrand, Françoys Charpentier, René
Musnier, Estienne Philippes, Geoffroy Chaillou, Jehan Vignon, Jehan Marchais, Claude Ratoire, Jehan Despommiers, et aultres marchans de boys frequentans les portz de lad. Ville.
En laquelle assemblée mondict sieur le Prevost des Marchans -4- a dict que chascun a veu la grande necessité de boys qui a esté l'hyver dernier, et l'ex­cessif pris d'icelluy, par le moyen des haultes eaues glacées, et aussy des intelligences, monoppoles et abbuz qui y ont esté commis par plusieurs mar­chans dudict boys et aultres, dont ont esté faictes plusieurs plainctes au Roy par plusieurs princes, seigneurs, gentilzhommes et aultres, et que Sa Ma­jesté desiroict fort y estre pour l'advenir pourveu et faict quelque bon reiglement pour le bien commung et utilité de tous, oultre ce qui est necessaire pour le bien de ladicte Ville et dont l'on ne se peult passer pour la vie humaine. Et pour y parvenir I5', auroit pryé tous ceulx de ladicte compaignye d'en dire leur advis et oppinion, mesmes lesdictz marchans de boys de declairer s'ilz ont aulcunes plainctes à faire sur ce, qu'ilz les feissent en toute liberté.
Au moyen de quoy, aulcuns d'eulx ont remonstré
-1' Cet arrêt du Conseil privé n'a pas été transcrit sur le Registre A.
W Var. ttsr de Livry- au lieu de ns' de Bourcyn (B).
P' Parmi les personnages qui .avaient été convoqués la veille à domicile par le sergent Gabriel Vassé et qui n'assistèrsnt pas à la séance, on remarque : le Lieutenant civil, les s" Croquet et Barillon, le général Lefebvre à l'hôtel d'Aumale, le trésorier Moreau, rue du Temple, le Procureur du roi au Châtelet, Claude Leprètre, Nicolas Paulmier, etc (Procès-verbal dudit sergent, original, H 2o65!.)
(i> Dans le Registre A, on a ajouté à tort - et Eschevins.?.
<-' Var. "Et pour y pourveoir - ( B).